PURE RIVERS-ის პროექტი ოფიციალურად დაიწყო

თურქეთი, საბერძნეთი და საქართველო გააგრძელებენ თანამშრომლობას დაბინძურების შესახებ ცნობიერების ამაღლებისა და მდინარეების აღდგენის ღონისძიებების განხორციელების მიზნით, განსაკუთრებული ყურადღებით მდინარეებზე — საკარია, მარიცა (ევროსი) და სუფსა.

PURE RIVERS-ის პროექტის ოფიციალური გახსნის ღონისძიებას, რომელიც შავი ზღვის აუზის სამიზნე მდინარეებში დაბინძურების შეფასებას, შემცირებასა და ეკოსისტემების გაუმჯობესებას ისახავს მიზნად, უმასპინძლა სტამბოლის უნივერსიტეტმა-ჯერაჰფაშამ.

Interreg NEXT Black Sea Basin პროგრამის ფარგლებში, 2026 წლის 28 თებერვალს დაწყებული პროექტი აერთიანებს პარტნიორ ორგანიზაციებს თურქეთიდან, საბერძნეთიდან და საქართველოდან, რათა მათ ერთობლივად იმუშაონ საერთო გარემოსდაცვითი მიზნების მისაღწევად.

PURE RIVERS ოფიციალურად დაიწყო

Interreg NEXT Black Sea Basin პროგრამის ფარგლებში მხარდაჭერილი PURE RIVERS – მდინარეების დაბინძურების შესახებ ცნობიერების ამაღლებისა და აღდგენის ღონისძიებების პროექტი (პროექტის ID: BSB01319) ოფიციალურად დაიწყო სამუშაო შეხვედრებით, რომლებმაც პროექტის პარტნიორები და სხვა დაინტერესებული მხარეები გააერთიანა.

PURE RIVERS პროექტის მნიშვნელობის სრულად გასააზრებლად, პირველ რიგში უნდა დავსვათ ერთი მნიშვნელოვანი კითხვა: რას ვხედავთ, როდესაც შავი ზღვისკენ მომდინარე მდინარეებს ვაკვირდებით? პასუხი ნათელია: დაბინძურება აღარ არის მხოლოდ გარემოსდაცვითი პრობლემა — ის ჯანმრთელობის, ეკონომიკისა და იმ მემკვიდრეობის საკითხიცაა, რომელსაც მომავალ თაობებს ვუტოვებთ. შავი ზღვის აუზის მდინარეები დღეს სერიოზული გარემოსდაცვითი ზეწოლის ქვეშ არიან დაბინძურებისა და ბუნებრივი ჰაბიტატების დეგრადაციის გამო. სამწუხაროდ, გარემოს დაბინძურებას საზღვრები არ გააჩნია.

სწორედ ამიტომ PURE RIVERS მხოლოდ სამეცნიერო კვლევა არ არის — ეს არის საზღვრებს მიღმა თანამშრომლობისა და საერთო პასუხისმგებლობის ინიციატივა.

სამი ქვეყანა, სამი მდინარე, ოთხი პარტნიორი ინსტიტუტი

PURE RIVERS პროექტი აერთიანებს სამ ქვეყანას, სამ მდინარესა და ოთხ პარტნიორ ინსტიტუტს.

პროექტის ფარგლებში შესწავლილი იქნება საკარიას, მარიცის (ევროსის) და სუფსის მდინარეები. კვლევებსა და პროექტის განხორციელებაში მონაწილეობას მიიღებს სამი ქვეყნის ოთხი პარტნიორი ინსტიტუტი:

ლანჩხუთის მუნიციპალიტეტი (საქართველო)

სტამბოლის უნივერსიტეტი-ჯერაჰფაშა (პროექტის წამყვანი პარტნიორი, თურქეთი)

საკარიას გუბერნატორის ადმინისტრაცია (თურქეთი)

თრაკიის დემოკრიტეს უნივერსიტეტი (საბერძნეთი)

30-თვიანი პროექტი ოთხ ძირითად მიმართულებად განხორციელდება

30-თვიანი პროექტის ფარგლებში საქმიანობა ოთხ ძირითად მიმართულებას მოიცავს:

1. დაბინძურების იდენტიფიცირება და მონიტორინგი
სამიზნე მდინარეებში დაბინძურების წყაროები და დონე სამეცნიერო მეთოდებით განისაზღვრება და მუდმივად გაკონტროლდება.

2. დაბინძურების შემცირების სტრატეგიები
შემუშავდება და განხორციელდება პრაქტიკული და მასშტაბირებადი სტრატეგიები, რომლებიც მდინარეების დაბინძურების შემცირებას შეუწყობს ხელს.

3. ეკოსისტემების აღდგენა
განხორციელდება მდინარის ეკოსისტემების აღდგენის ღონისძიებები და უზრუნველყოფილი იქნება ბიომრავალფეროვნების დაცვა.

4. ცოდნის გაზიარება
პროექტის ფარგლებში მიღებული ცოდნა, შედეგები და გამოცდილება გაზიარდება დაინტერესებულ მხარეებთან, ფართო საზოგადოებასთან და გადაწყვეტილების მიმღებ პირებთან.

PURE RIVERS პროექტის მთავარი მიზანია წყლის ხარისხის გაუმჯობესება, მდინარის ეკოსისტემების დაცვა და მწვანე ინფრასტრუქტურის გაძლიერება, რათა გრძელვადიან პერსპექტივაში სარგებელი მოუტანოს როგორც გარემოს, ისე საზოგადოებას.

მოსალოდნელია, რომ პროექტის ფარგლებში ჩამოყალიბებული პარტნიორობა, შეგროვებული მონაცემები და შემუშავებული მეთოდოლოგიები პროექტის დასრულების შემდეგაც გააგრძელებს მდინარის აუზის მდგრადი მართვის ხელშეწყობას.

წყარო: https://www.haberreferans.com/haber/175/pure-rivers-projesiresmen-Basladi